Selasetur Íslands skuldbindur sig til að vinna eftir hugmyndafræði sjálbærrar þróunar, sem stuðlar að því að nýta auðlindir náttúru og samfélags með þeim hætti að komandi kynslóðir fái notið þeirra. Í því sambandi leggur Selasetur Íslands áherslu á eftirfarandi:

Umhverfi

• Að stuðla að góðri umgengni við náttúruna, t.d. með því að annast fræðslu og stýra umferð ferðamanna um viðkvæm náttúrusvæði
• Að stuðla að verndun viðkvæmra náttúrusvæða
• Að flokka sorp til endurvinnslu
• Að vera til fyrirmyndar hvað varðar umgengni og frágang lóðar og annarra framkvæmda

Samfélag

• Að velja vörur og þjónustu úr heimabyggð þar sem því verður við komið
• Að ráða starfsfólk úr heimabyggð
• Að hafa náið samstarf við opinbera aðila
• Að veita skólum og leikskólum í heimabyggð ókeypis þjónustu
• Að veita vistmönnum hjúkrunarheimila og sambýla í heimabyggð ókeypis þjónustu