Aðalfundur Selaseturs Íslands var haldinn í Dæli þann 20. apríl síðastliðinn. Á dagskrá voru hefðbundin aðalfundarstörf. Framkvæmdastjóri kynnti skýrslu stjórnar fyrir árið 2009 og Ársæll Daníelsson fór yfir ársreikninga. Að því loknu var stjórn setursins endurkjörin en hana skipa Guðmundur Jóhannesson stjórnarformaður, Ársæll Daníelsson varastjórnarformaður, Sigrún Björk Valdimarsdóttir ritari, Jóhannes Erlendsson meðstjórnandi og Kristín Jósefsdóttir meðstjórnandi. Varamenn eru þær Katharina Ruppel og Helena Svanlaug Sigurðardóttir.Þeir sem hafa áhuga á að kynna fundargerð aðalfundarins eða skoða ársreikninga setursins fyrir árið 2009 er bent á að hafa samband við framkvæmdastjóra í gegnum póstfangið This e-mail address is being protected from spambots. You need JavaScript enabled to view it eða í síma 451 2345.

Mynd: Stjórn Selaseturs Íslands (f.v) Ársæll Daníelsson, Sigrún B. Valdimarsdóttir, Kristín Jósefsdóttir, Katharina Ruppel, Guðmundur Jóhannesson og Jóhannes Erlendsson. Á myndina vantar Helenu Svanlaugu Sigurðardóttir.

Dagur húnvetskrar náttúru var haldinn að Gauksmýri þann 10. apríl síðastliðinn, en þar komu saman fræðimenn víðs vegar að af landinu og kynntu rannsóknir sýnar á náttúrufari Húnavatnssýslna. Gestir dagsins voru alls um 60 talsins. Sérstakur gestur var Svanhvít Svavarsdóttir umhverfisráðherra sem ávarpaði gesti í upphafi dags. Að fræðsluerindum loknum buðu Selasetrið og Náttúrustofa Norðurlands vestra til móttöku í Selasetrinu í tilefni 5 ára afmælis setursins og 10 ára afmælis Náttúrustofunnar á þessu ári.

Skipuleggjendur vilja koma þökkum á framfæri til styrktaraðila dagsins sem voru Vaxtarsamningur Norðurlands vestra, Húnaþing vestra, Húnavatnshreppur, Blönduósbær, sveitarfélagið Skagaströnd, Skagabyggð, Sláturhús SKVH á Hvammstanga, Léttitækni, SSNV, Landsvirkjun og Vörumiðlun.

Mynd: Svandís Svavarsdóttir umhverfisráðherra ávarpar gesti á Degi húnvetnskrar náttúru.