Á Illugastöðum á Vatnsnesi hefur verið komið upp aðstöðu til selaskoðunar af landi. Þar hefur Selasetur Íslands, í samvinnu við landeigendur, hrundið af stað rannsókn þar sem ætlað er að kanna áhrif aukins fjölda ferðamanna á seli.

Verkefnið hefur staðið yfir síðan 2008. Bein áhrif ferðamanna á hegðun sela í látrinu er skoðuð með tilliti til meðal annars hvort fjöldi ferðamanna og/eða hegðun þeirra að selaskoðunarstaðnum geti haft áhrif á fjölda sela í látrinu sem og hegðun þeirra.

Samhliða rannsókn fer fram í Hindisvík á Vatnsnesi, en Hindisvík hefur verið lokuð ferðamönnum síðan 2008. Reglulegar talningar er nú framkvæmdar til þess að kanna hvort fjöldi sela muni aukast í latrínu á næstkomandi árum, þar sem þeir fá nú algjöran frið frá ferðamönnum.

Rannsóknin er unnin á vegum The Wild North, sem er norrænt samstarfsverkefni þar sem áhersla er lögð á sjálfbæra þróun náttúrutengdrar ferðaþjónustu. svipuð rannsóknarverkefni fara einnig fram við Fræðasetur Háskóla Íslands á Húsavík (áhrif ferðamennsku á hvali), Náttúrustofu Norðurlands vestra (áhrif ferðamennsku á fugla), og á Melrakkasetrinu á Vestfjörðum (áhrif ferðamennsku á refi), ásamt stofnunum í öðrum þátttökulöndum The Wild North.

Verkefnastjóri rannsóknarinnar er Sandra M. Granquist og á sumrin hafa einnig sérfræðingar, líffræðinemar ásamt sjálfboðaliðum tekið þátt í rannsókninni.