Flutningur safns Selaseturs Íslands í nýtt og betra húsnæði.

Sýningaraðstaða og rannsóknarstofa

Selasetrið hefur flutt safn Selaseturs Íslands í nýtt og glæsilegt sýningarými sem er staðsett í húsnæði Kaupfélags Vestur Húnvetninga (KVH) niður við Hvammstangahöfn. Sýninguna hannaði Steinþór Sigurðsson leikmyndahönnuður ásamt Pétri Jónssyni. Í sama húsnæði er einnig ný rannsóknaraðstaða sem er nýtt við líffræðilegar rannsóknir á sel .

Selasetrinu gefst tækifæri til að sýna betur þá muni sem safnið hefur til sýninga. Hið nýja húnsæði er bylting fyrir Selasetrið í því að taka á móti hópum af ferðamönnum/gestum og nú getur setrið betur sinnt fræðslu og kynningu.

Safn Selasetursins er eina selasafnið hér á Íslandi og það leggur metnað sinn í það að varðveita sögu og menningu tengda selveiðum, nýtingu þeirra og gildi þeirra í sögum til forna. 

Markmiðið með þessu nýja safni er að gera safnið eftirminnilegra fyrir þau mörg þúsund gesti sem það sækja á hverju ári, ásamt því að auka þann fjölda ferðamanna sem heimsækja safnið. Upplýsingar um fjölda ferðamanna á Vatnsnesinu og áhugi erlendra ferðamanna á selnum og náttúrutengdri ferðaþjónustu gefur glöggt til kynna að mikilvægt er að hafa öflugt og gott safn sem veitir vitneskju um þá menningu og siði sem fylgdu selnum og selveiðum, auk annarrar almennrar fræðslu um þessi áhugaverðu dýr.

Ýmsar nýungar eru að finna í nýja safninu okkar. Við  erum við  með bíósal þar sem hægt er að horfa á fræðsluþætti um seli , eins verður hægt að nýta salinn sem fyrirlestrarsal o.fl .

Við erum með sér sér deild um selveiðar og hægt er að fylgjast með rannsóknarmönnum að störfum í gegnum gler inni á rannsóknarstofuna svo eitthvað sé nefnt. 

Einnig gefst okkur kostur á að starfrækja enn betri upplýsingamiðstöð ferðamanna ásamt glæsilegri verslun með minjagripi og fleiru.

Verið hjartanlega velkomin til okkar.

Selatalningin mikla var haldin í fimmta árið í röð í gær, sunnudagurinn 17. júlí. Í ár voru alls 1033 selir taldir á Heggstaðarnesi og Vatnsnesi og eru það heldur færri en í fyrra því þá var niðurstaðan 1057 selir. Eins og fyrri ár var talningin framkvæmd af sjálfboðaliðum ásamt starfsfólki Selasetursins. Í ár tóku um 30 manns þátt í að telja seli á 27 svæðum og fóru þeir gangandi, á hesti og á bát. Að talningu lokinni var boðið upp á kaffi í á Selasetrinu.

Þökkum öllum talningarmönnum og aðstoðarmönnum kærlega fyrir og vonumst til þess að sjá öllum aftur að ári!

Mynd: Frank Bradford