Í gær var Selasetur Íslands á Hvammstanga opnað með pompi og prakt. Heiðursgestir opnunarhátíðarinnar voru Hr. Einar K. Guðfinnsson sjávarútvegsráðherra og Hr Sturla Böðvarsson samgönguráðherra, en sá síðar nefndi opnaði setrið formlega með hinni sígildu borðaklippingu. Í tilefni dagsins var síðan blásið til grillveislu í boði  KS og KVH sláturhúss ehf, Vífilfells og  Emmess íss. Gestir opnunarhátíðarinnar voru á þriðja hundraðið og skemmtu sér vel í blíðskaparveðri.

 Aðstandendur Selsetursins vilja þakka öllum þeim sem lögðu hönd á plóginn kærlega fyrir ómetanlega aðstoð. Einnig ber að þakka Brauð og kökugerðinni á Hvammstanga fyrir glæsilega hátíðartertu. Verið velkomin í Selasetur Íslands.