15. maí síðastliðin opnaði Selasetrið aftur eftir vetrarlokunina. Frá 1. Júní og út ágúst verður opið á milli 9 og 17 alla daga. Í sumar verðum við með 5 sumarstarfsmenn, auk heilsársstarfsfólk. Í móttöku Selasetursins verða Benóný Þór Björnsson og Unnur Helga Marteinsdóttir. Arna Björg Árnadóttir, líffræðingur, verður til aðstoðar við líffræðirannsóknir á sel ásamt því að leysa af í móttöku. Eva Haunss sem er líffræðingur frá Þýskalandi og Elsa Freschet sem er líffræðingur frá Frakklandi munu einnig starfa sem aðstoðarrannsóknarmenn við selarannsóknirnar.

Eins og áður hefur komið fram mun sýning Selasetursins, upplýsingamiðstöðin og rannsóknaraðstaðan  flytja sig um set í sumar og taka nýtt húsnæði í notkun. Þessa dagana er unnið hörðum höndum við að koma húsnæðinu í lag, bæði að innan sem og utan.Áætlað er að flytja inn í núja húsnæðið í byrjun Júlí. Frekari fréttir af flutningum munu koma inn á þessa síðu eftir því sem nær dregur flutningum.

Mynd: Framkvæmdir