Laust er staða framkvæmdastjóra við Selasetur Íslands á Hvammstanga. Um er að ræða fullt starf í eitt ár með möguleika á framlengingu. Í boði er fjölbreytt og krefjandi starf í góðu og fjölskylduvænu samfélagi.

Í starfinu felst m.a.:

• Umsjón með daglegum rekstri
• Fjármögnun og skýrslugerð
• Umsjón með sýningum setursins
• Umsjón með vefsíðu setursins
• Stjórn stærri og smærri samstarfsverkefna t.d. á sviði rannsókna og kynningarmála
• Þátttaka í innlendum og erlendum samstarfsverkefnum
• Vinna að frekari þróun og nýsköpun í starfsemi setursins

Hæfnis- og menntunarkröfur

• Háskólamenntun og/eða starfsreynsla sem nýtist í starfi
• Góð tungumálakunnátta. Nauðsynlegt er að geta bæði talað og skrifað góða ensku, þekking í Norðurlandamálum er kostur
• Frumkvæði og ábyrgð
• Góð samskiptahæfni og jákvætt viðmót
• Sjálfstæð vinnubrögð
• Reynsla af starfsmannahaldi er kostur en ekki skilyrði
• Viðkomandi þarf að geta hafið störf sem fyrst, eða í síðasta lagi 1. september 2010 (allavega að hluta).

Umsóknir skal senda á póstfangið This e-mail address is being protected from spambots. You need JavaScript enabled to view it . Allar nánari upplýsingar gefur Hrafnhildur Ýr Víglundsdóttir framkvæmdastjóri í síma 451 2345/8985 5233 eða á netfangið This e-mail address is being protected from spambots. You need JavaScript enabled to view it . Umsóknarfrestur er til 6. ágúst.

Um Selasetur Íslands
Selasetur Íslands opnaði fyrstu sýningar sínar árið 2006. Fyrstu 3 árin var einn framkvæmdastjóri í fullu starfi við setrið auk sumarstarfsfólks í afgreiðslu. Árið 2009 var stofnuð rannsóknardeild við setrið í samvinnu við Hólaskóla og Veiðimálastofnun, en deildin starfar á sviðum selarannsókna, náttúrutengdrar ferðaþjónustu og byggðaþróunar. Markmið setursins hefur frá upphafi verið uppbygging sjálfbærrar náttúrutengdrar ferðaþjónustu en setrið hefur sinnt töluverðu frumkvöðlastarfi á því sviði, bæði hér heima og erlendis. Þó starf setursins hafi í fyrstu snúist að mestu um sýningahald og móttöku ferðamanna, felst stærstur hluti þess nú í verkefnastjórn og rannsóknum. Í dag sitja 3 starfsmenn í fullu starfi á setrinu, en yfir sumartímann fjölgar þeim verulega og skapar setrið nú um 5 ársverk sem flest krefjast háskólamenntunar.

Um Húnaþing vestra
Húnaþing vestra er nær frá botni Hrútafjarðar í vestri að Gljúfurá í Víðidal í austri. Um helmingur íbúa býr á landbúnaðarsvæðum sveitarfélagsins og er landbúnaður stærsta atvinnugreinin. Hvammstangi er stærsta þéttbýlið með ríflega 600 íbúa og fjölbreyttri atvinnustarfsemi, en í Húnaþingi vestra er rík hefð er fyrir frumkvöðlastarfi á ýmsum sviðum, þá sérstaklega á sviði ferðaþjónustu.

Húnaþing vestra er fjölskylduvænt sveitarfélag þar sem rekið er metnaðarfullt skólastarf, bæði á leikskóla- og grunnskólastigi og ýmsar tómstundir í boði fyrir börn á öllum aldri.