Á sjómannadaginn, 6. júní mun sumardagskrá Selaseturs Íslands hefjast með pompi og prakt, en þá opnar Anna Gunnarsdóttir textílhönnuður sýningu sína Öldur - Waves í setrinu. Verk Önnu eru unnin með aldagamalli tækni sem notuð var við körfugerð. Þráður er vafinn utan um efni hring eftir hring með miklum krafti og er verkið formað um leið. Þetta er túlkun listamannsins á þeim krafti og þeirri orku sem býr í  öldum hafsins.

Anna hefur skapað sér gott orð sem listamaður, en hún var m.a valin bæjarlistamaður Akureyrar árið 2008.

Í tilefni dagsins verður frítt inn á setrið frá kl. 14 – 17. Allir velkomnir! Sýningin stendur yfir til 20. júní.