Kynningarátakið Á selaslóðum er samstarfsverkefni fyrirtækja í Húnaþingi vestra. Átakið hefur það markmið að vekja athygli á Húnaþingi vestra sem ákjósanlegum áfangastað fyrir ferðamenn á leið um landið. Með átakinu er reynt að vekja athygli á fjölbreyttri þjónustu og afþreyingu á svæðinu, auk þess sem vakin er athygli á sérstökum viðburðum. Átakið er fjármagnað af fyrirtækjunum sjálfum, Vaxtarsamningi Norðurlands vestra og Iðnaðarráðuneytinu.

Nánari upplýsingar um þjónustu í Húnaþingi vestra má finna á síðunum www.northwest.is og www.nordurland.is.