Mikill fjöldi ferðamanna hefur farið um Vatnsnes í sumar að sögn Guðmundar Jóhannessonar á Illugastöðum sem segir töluvert annríki hafa verið á selaskoðunarstaðnum, en tölur úr teljara á staðnum gefa til kynna að ríflega 10.000 manns hafi sótt staðinn heim frá seinnihluta júlí fram í seinnipart ágúst. Helgi Guðjónsson líffræðinemi hefur verið við rannsókarstörf á Illugastöðum í sumar á vegum Selaseturs Íslands þar sem hann hefur verið að skoða áhrif ferðamanna á seli, en meira er má lesa um störf Helga undir fipanum Starsfmannablogg. Tækifæri til myndatöku hafa verið ófá í sumar og náði Helgi þessari skemmtilegu mynd af gáskafullum landsel á Illugastöðum á dögunum.

Mynd: Helgi Guðjónsson